കിറ്റെക്സ് കമ്പനിയുടെ മലിനജല ശുദ്ധീകരണ പ്ലാന്റ് നിലവില് പ്രവര്ത്തിക്കുന്നില്ല. ആധുനിക ശുദ്ധീകരണ പ്ലാന്റ് പ്രവര്ത്തനസജ്ജമാകും വരെ കിറ്റെക്സ് കമ്പനിയുടെ പ്രവര്ത്തനം നിര്ത്തിവയ്ക്കണമെന്നായിരുന്നു എംഎല്എമാരുടെ ആവശ്യം. ഇതുള്പ്പെടെ ആറ് ആവശ്യങ്ങളടങ്ങിയ കത്തിന്റെ കോപ്പി പരിസ്ഥിതി വകുപ്പ് അഡീഷണല് ചീഫ് സെക്രട്ടറി, മലിനീകരണ നിയന്ത്രണ ബോര്ഡ് ചെയര്മാന് എന്നിവര്ക്കും കോണ്ഗ്രസ് എംഎല്എമാര് നല്കിയിരുന്നു.
സർക്കാറുമായി ഒപ്പുവെച്ച 3500 കോടിയുടെ നിക്ഷേപ പദ്ധതിയിൽ നിന്ന് പിന്മാറുന്നുവെന്ന് കിറ്റക്സ് ഗ്രൂപ്പ് ചെയർമാൻ സാബു ജേക്കബ് വ്യക്തമാക്കിയതിന് പിന്നാലെയാണ് സര്ക്കാര് അനുരഞ്ജന ചര്ച്ച നടത്തുന്നത്. അപ്പാരല് പാര്ക്കും മൂന്ന് വ്യവസായ പാര്ക്കും തുടങ്ങാനായിരുന്നു സർക്കാറുമായി കിറ്റെക്സ് ധാരണാപത്രം ഒപ്പുവെച്ചത്.
കേരളത്തില് ആരംഭിക്കാനിരുന്ന പദ്ധതികളില് നിന്ന് കിറ്റക്സ് ഗ്രൂപ്പ് മാറിയ സാഹചര്യത്തില് സര്ക്കാരിന്റെ ഭാഗത്ത് നിന്ന് അനുനയ ശ്രമം ആരംഭിച്ചിട്ടുണ്ട്. വ്യവസായ സ്ഥാപനങ്ങളിൽ മിന്നൽ പരിശോധന വേണ്ടെന്നാണ് സർക്കാർ നിലപാടെന്ന് മന്ത്രി പി. രാജീവ് വ്യക്തമാക്കി.